LPG Gas Cylinder Price: डिसेंबर महिन्यात सर्वसामान्यांपासून ते व्यावसायिकांपर्यंत सर्वांना आनंद देणारी बातमी समोर आली आहे. गॅस सिलेंडर सर्वांच्याच स्वयंपाक घरातील अतिशय आवश्यक वस्तू आहे. यामध्ये झालेली घसरण ऐकून प्रत्येकालाच आनंद होईल. तेल विपणन कंपन्यांनी व्यावसायिक एलपीजी गॅस सिलिंडरच्या दरात कपात केली आहे. महागाईच्या या धकाधकीत १० रुपयांची कपात लहान वाटली तरी रोज सिलिंडरचा मोठ्या प्रमाणावर वापर करणाऱ्या व्यवसायांसाठी ही चांगलीच दिलासा देणारी बाब म्हणावी लागेल.
व्यावसायिक सिलिंडरचे नवे दर – कुठे किती?
नवीन दर लागू झाल्यानंतर १९ किलोचा व्यावसायिक एलपीजी सिलिंडर आता मिळणार आहे –
- दिल्ली – ₹१५८०.५०
- कोलकाता – ₹१६८४
- मुंबई – ₹१५३१
- चेन्नई – ₹१७३९.५०
कपात जरी फक्त दहा रुपयांची असली तरी हॉटेल्स, रेस्टॉरंट्स, भोजनालये, केटरिंग सेवा देणारे व्यावसायिक रोजच्या रोज अनेक सिलिंडर वापरतात. अशावेळी सण-उत्सव, लग्नसराईचा हंगाम येतो तेव्हा ही छोटी कपातही खर्चात मोठा फरक निर्माण करते.
घरगुती गॅस सिलेंडरचे दर
सामान्य कुटुंबांसाठी वापरला जाणारा घरगुती एलपीजी सिलिंडर मात्र जुन्याच दरात उपलब्ध राहणार आहे. म्हणजे, घरातील स्वयंपाकाचा खर्च वाढणार नाही, ही निश्चितच सुटकेची गोष्ट.
देशातील काही प्रमुख शहरांतील घरगुती दर –
| शहर | किंमत |
|---|---|
| दिल्ली | ₹८५३ |
| मुंबई | ₹८५२.५० |
| लखनऊ | ₹८९०.५० |
| वाराणसी | ₹९१६.५० |
| अहमदाबाद | ₹८६० |
| हैदराबाद | ₹९०५ |
| पाटणा | ₹९५१ |
किंमतीत चढ-उतार का होतात?
व्यावसायिक एलपीजी घरगुती गॅसपेक्षा वेगळ्या प्रकारे सूचीबद्ध केले जाते. घरगुती गॅसवर सरकारचे अनुदान असल्याने त्याची किंमत स्थिर राहते. पण व्यावसायिक सिलिंडर हे अनुदानित नसल्याने त्याची किंमत थेट आंतरराष्ट्रीय बाजारपेठेच्या हलचालींवर अवलंबून असते. त्यामुळे कधी वाढ, कधी घट – हे चित्र सतत पाहायला मिळते.
कपातीमुळे व्यवसायांना खरंच दिलासा
सध्या महागाई, डिझेल-पेट्रोलच्या किंमती आणि रोज वाढणाऱ्या खर्चामुळे हॉटेल व्यवसाय मोठ्या अडचणीत आहे. अशावेळी सिलिंडरच्या दरात कपात म्हणजे छोटासा का होईना पण व्यावसायिकांना मिळालेला जीवदानच. विशेषतः डिसेंबरपासून लग्नसराईला सुरुवात होते. केटरिंग करणाऱ्या व्यावसायिकांचा खर्च यामुळे थोडा तरी आटोक्यात राहणार आहे.
आजकाल महागाईने सर्वसामान्यांचे कंबरडे मोडले आहे. घरात असो वा व्यवसायात, प्रत्येक वस्तू महाग होत चालली आहे. त्यात एलपीजी सिलिंडर स्वस्त झाल्याची बातमी मनाला थोडा का होईना दिलासा देते. सरकारने घरगुती एलपीजीवर देखील असाच दिलासा दिला तर कित्येक कुटुंबांची काळजी कमी होईल… अशी एक साधी, सामान्य जनतेची आशा. LPG Gas Cylinder Price