Pan Card New Update: आपल्या रोजच्या व्यवहारात पॅन कार्ड म्हणजे अन्नासारखंच झालं आहे. बँकेत खाते उघडायचं असो, कर्ज घ्यायचं असो, मुलांच्या भविष्यासाठी गुंतवणूक करायची असो किंवा छोट्या मोठ्या आर्थिक व्यवहारांचं काम असो… पॅन कार्डशिवाय एकही पाऊल उचलणं अवघड! मात्र आता एक अत्यंत महत्त्वाची अपडेट समोर आली आहे. जर तुम्ही तुमचं पॅन कार्ड आधारशी लिंक केलं नसेल, तर 1 जानेवारी 2026 पासून तुमचं पॅन सरळ निष्क्रिय होऊ शकतं.
हो! चुकीचं वाचलं नाहीत. सीबीडीटीने आधीच एप्रिल 2025 मध्ये अधिसूचना काढून स्पष्ट केलं आहे की पॅन-आधार लिंक करण्याची शेवटची तारीख 31 डिसेंबर 2025 आहे. यापुढे जरा जरी उशीर झाला तरी तुमचं पॅन आपोआप बंद होईल… आणि त्यानंतर सुरू होईल अडचणींचा पाऊस! Pan Card New Update
पॅन निष्क्रिय झालं तर काय होणार?
आजच्या जगात पॅन बंद होणं म्हणजे जणू तुमचे आर्थिक हात-पायच बांधले गेल्यासारखं! याच्या मोठ्या समस्या अशा:
1) बँक खाते उघडता येणार नाही
नवं खाते उघडण्यापासून ते विद्यमान खात्यात मोठे व्यवहार करण्यापर्यंत सर्वकाही थांबेल.
2) डिमॅट अकाऊंट बंद
डिमॅट नसल्यास शेअर मार्केटमध्ये व्यवहार करणं अशक्य. ETF, म्युच्युअल फंड, SIP सुद्धा थांबतील.
3) 50,000 पेक्षा जास्त ठेव? शक्य नाही
मुदत ठेवी, RD, FD – कुठेही 50,000 पेक्षा जास्त रक्कम ठेवता येणार नाही.
4) सरकारी योजनांचा लाभ बंद
काही योजनांमध्ये PAN आवश्यक असतं. ते निष्क्रिय झालं तर लाभ मिळणार नाही.
5) कर्ज मिळणार नाही
बँक असो किंवा NBFC… पॅनशिवाय कर्ज मंजूरच होत नाही.
6) घर/वाहन खरेदी ठप्प
मोठ्या मालमत्ता खरेदी-विक्रीसाठी पॅन अनिवार्य आहे.
7) कर परतावा (Tax Refund) अडकेल
पॅन बंद असल्यास तुम्हाला refund मिळणार नाही, व्याजही मिळणार नाही.
8) TDS/TCS जास्त दराने कापला जाईल
सरकार तुमच्याकडून अधिक कर कापेल. म्हणजे अनावश्यक नुकसान!
पॅन आणि आधार लिंक कसं करायचं?
आजच्या काळात ही प्रक्रिया अगदी सोप्पी आहे आणि काही मिनिटांत पूर्ण होते.
ऑनलाइन लिंक करण्याची प्रक्रिया
- अधिकृत वेबसाईटला जा: incometax.gov.in
- डाव्या साइडला ‘Link Aadhaar’ टॅब निवडा
- तुमचा PAN नंबर आणि आधार नंबर टाका
- ‘Validate’ वर क्लिक करा
- आधी लिंक असेल तर मेसेज येईल
- नसेल तर मोबाइलवर OTP येईल
- OTP टाकल्यानंतर पॅन-आधार लिंक पूर्ण!
SMS द्वारे PAN-Aadhaar लिंक
मोबाईलवरून थेट एसएमएस पाठवूनही लिंक होऊ शकतं.
SMS Format
UIDPAN <आधार क्रमांक> <PAN क्रमांक> हा मेसेज 567678 किंवा 56161 या क्रमांकावर पाठवा.उदा.
UIDPAN 111122223333 AAAPA9999Qजर लिंक नसेल केलं तर काय करावं लागेल?
जर 31 डिसेंबर 2025 पूर्वी लिंक नाही केलं, तर:
- पॅन निष्क्रिय
- पुन्हा सक्रिय करण्यासाठी ₹1,000 दंड
- आणि त्यानंतर 7 दिवस ते 1 महिना प्रतीक्षा
म्हणजे अनावश्यक धावपळ + पैसा + वेळ यांचा फडशा!
उशीर करू नका!
आपल्याकडे वेळ आहे, पण ती फार नाही. आपल्या पॅन कार्डावर भविष्यातील आर्थिक आयुष्य उभं असतं. त्यामुळे छोटासा उशीरही मोठी समस्या बनू शकतो. जेवढ्या लवकर शक्य आहे तेवढ्या लवकर पॅन-आधार लिंक करून घ्या. एक मिनिटाचं काम आहे, पण त्यातून भविष्यातील मोठा धोका टाळता येईल.