Niasargik Aapati Anudan: सप्टेंबर २०२५ मध्ये आलेल्या भीषण नैसर्गिक आपत्तीने जिल्ह्यातील शेतकऱ्यांचे शब्दशः कंबरडे मोडले होते. पिकं अख्खी उद्ध्वस्त, कुटुंबावर उपासमारीची वेळ… अशा कठीण काळात राज्य शासनाने दिलासा देत नुकसानीचे प्रत्यक्ष पंचनामे करून मोठं अनुदान जाहीर केलं. त्यानुसार जिल्ह्यासाठी तब्बल १,५०६ कोटी ४१ लाखांची मदत मंजूर करण्यात आली आहे. यातील ५ लाख ४० हजार ७५६ शेतकऱ्यांच्या खात्यात एकूण १ हजार २ कोटी २७ लाख रुपयांचे अनुदान जमा होऊन त्यांच्या संसाराला एक मोठा श्वास मिळाला आहे. अजूनही काही शेतकरी केवायसी पूर्ण न केल्याने त्यांचे पैसे रोखून आहेत.
कोणत्या तालुक्यात किती मदत पोहोचली?
अहिल्यानगर जिल्ह्यात एकूण ८ लाख २७ हजार शेतकऱ्यांचे नुकसान नोंदवण्यात आले होते. त्यापैकी साडेपाच लाख शेतकऱ्यांना मदत मिळाली असून, आता उरलेल्यांना केवायसी पूर्ण केल्यावर रक्कम मिळणार आहे. खालील तालुक्यांतील परिस्थिती पाहिली तर शासनाची मदत प्रत्यक्षात किती पोहोचली याची स्पष्ट कल्पना येते:
- अहिल्यानगर तालुका – ३९,२६९ शेतकऱ्यांना ७४.५५ कोटी मिळाले; ४,८४९ शेतकऱ्यांचे KYC बाकी
- अकोले – १,०८९ शेतकऱ्यांना ७८ लाख; ३,८९९ प्रलंबित
- जामखेड – ३२,८८६ शेतकऱ्यांना ६०.२२ कोटी; ३,९५८ बाकी
- कर्जत – ४९,७८६ शेतकऱ्यांना १०२.७५ कोटी; ९,४०७ प्रलंबित
- कोपरगाव – ३२,६९८ शेतकऱ्यांना ४८.६० कोटी; ६,०१४ बाकी
- नेवासा – ७१,६२२ शेतकऱ्यांना १४६.७८ कोटी; ८,७४१ प्रलंबित
- पारनेर – ३७,५६४ शेतकऱ्यांना ५९.६३ कोटी; २,४७० बाकी
- पाथर्डी – ५१,९६४ शेतकऱ्यांना १०१.६६ कोटी; ११,५१९ प्रलंबित
- राहाता – ३२,९५२ शेतकऱ्यांना ६०.८२ कोटी; ५,९७ बाकी
- राहुरी – ४६,१५३ शेतकऱ्यांना ८१.७६ कोटी; ४,४१० बाकी
- संगमनेर – १८,९७९ शेतकऱ्यांना २७.१८ कोटी; ३,१०३ प्रलंबित
- शेवगाव – ५०,४६० शेतकऱ्यांना ११०.८६ कोटी; ८,५७१ बाकी
- श्रीगोंदा – ४६,७१६ शेतकऱ्यांना ७५.३२ कोटी; १०,२९५ प्रलंबित
- श्रीरामपूर – २८,६१८ शेतकऱ्यांना ५१.३६ कोटी; ३,१९५ प्रलंबित
या आकड्यांतून स्पष्ट दिसतं की शासनाचा पैसा जिल्ह्यात मोठ्या प्रमाणात पोहोचला आहे, पण ई-केवायसीच्या अडथळ्यामुळे जवळपास ८५ हजार शेतकरी अजूनही मदतीपासून वंचित आहेत. Niasargik Aapati Anudan
ई-केवायसी प्रलंबित असल्यास पैसे खात्यावर येणार नाहीत!
सरकारने स्पष्ट केलं आहे की अनुदान फक्त ई-केवायसी पूर्ण असलेल्या खात्यातच जमा होईल. अनेक शेतकऱ्यांचे आधार-लिंकिंग, बँक KYC किंवा मोबाईल नंबर अपडेट न झाल्यामुळे रक्कम रोखून आहे. आजवर अनेक शेतकरी विचारतात – “आपला पैसा कधी येणार?” तर एकच उत्तर: ई-केवायसी पूर्ण करा, रक्कम लगेच जमा होईल.
आता राज्यभर ई-पंचनामा आणि अ‍ॅग्रिस्टॅक अनिवार्य
आगामी काळात संपूर्ण राज्यात ई-पंचनामा प्रणाली लागू होणार आहे. म्हणजे नुकसानीची नोंद, शेताचा सर्वे आणि पंचनामे पूर्णपणे डिजिटल होणार. यासाठी शेतकऱ्यांनी Agristack (अ‍ॅग्रिस्टॅक) नोंदणी तातडीने करून घेणे आवश्यक आहे.
यामुळे:
- Niasargik Aapati Anudanनुकसान नोंदणी वेगाने होईल
- अनुदान थेट खात्यात येईल
- कागदोपत्री त्रास कमी होईल
- फसवणूक किंवा चूक होण्याची शक्यता कमी
शेतकऱ्यांसाठी हा आधाराचा हात
सप्टेंबरच्या पावसाने अनेकांची पिकं वाहून गेली… काहींच्या शिवारात पाणीच पाणी… कुणी कर्जात, कुणी हताश. अशा वेळी १ हजार कोटींची मदत मिळणे म्हणजे त्यांच्या संसारातल्या अंधारात पुन्हा दिवा लागल्यासारखं आहे. हे पैसे एखाद्या मोठ्या मदतीपेक्षा मानसिक आधार जास्त आहेत. शेतकऱ्याला एवढंच वाटतं— “सरकार आमच्या पाठीशी उभं आहे”.