December Rules Change | महिना संपत आलाय आणि नव्या महिन्याच्या सुरुवातीला प्रत्येकवेळी काही ना काही नवे अर्थिक बदल आपल्याला पाहायला मिळतात. आपल्या दैनंदिन आयुष्याशी, घरखर्चाशी, गॅसपासून करापर्यंत, शासकीय कागदपत्रांपासून पेन्शनपर्यंत… सगळ्याच गोष्टींवर याचा थेट परिणाम होतो. आता १ डिसेंबरपासून असे ५ मोठे नियम बदलणार आहेत ज्याचा थेट फटका किंवा फायदा हा सामान्य माणसालाच बसणार आहे.
१) LPG गॅस सिलेंडरचे दर बदल होण्याची दाट शक्यता
सरकार सहसा प्रत्येक महिन्याच्या पहिल्याच दिवशी एलपीजी गॅसच्या दरात बदल करते.
नोव्हेंबरमध्ये १९ किलोच्या व्यावसायिक सिलेंडरमध्ये ६.५० रुपयांची घट झाली होती.
पण घरगुती सिलेंडरचे दर मात्र बराच काळ बदललेले नाहीत.
म्हणून या १ डिसेंबरला घरगुती एलपीजी सिलेंडरच्या किमतीत काहीतरी बदल होण्याची शक्यता खूपच जास्त आहे.
स्वयंपाकाच्या खर्चावर याचा थेट परिणाम होणार… हे नक्की!
२) UPS निवडीची शेवटची अंतिम तारीख ३० नोव्हेंबर
सरकारी कर्मचाऱ्यांसाठी युनिफाईड पेन्शन स्कीम (UPS) आणि NPS मधील पर्याय निवडण्याची शेवटची मुदत ही ३० नोव्हेंबर आहे.
आधी ही तारीख ३० सप्टेंबर होती, पण वाढवण्यात आली.
या तारखेनंतर म्हणजेच १ डिसेंबरपासून पर्याय निवडण्याची संधीच मिळणार नाही.
ज्यांनी अजून निर्णय घेतला नसेल त्यांनी ही अंतिम तारीख लक्षात ठेवणं अत्यंत महत्त्वाचं आहे.
३) पेन्शनधारकांचं लाईफ सर्टिफिकेट डेडलाईन आजच
ज्येष्ठ नागरिकांना पेन्शन सुरू ठेवण्यासाठी लाईफ सर्टिफिकेट जमा करणं गरजेचं असतं.
याची शेवटची तारीखही ३० नोव्हेंबर.
जर हे सर्टिफिकेट वेळेत जमा नाही केलं तर पेन्शन थांबू शकते… म्हणजे वृद्धांच्या महिन्याभराच्या खर्चावर परिणाम!
४) टॅक्स नियम TDS, 92E रिपोर्टची शेवटची तारीख
जर ऑक्टोबर महिन्यात तुमच्यावर टीडीएस लागू असेल तर हे स्टेटमेंट ३० नोव्हेंबरपूर्वी जमा करणं बंधनकारक आहे.
हे सेक्शन
• 194-IA
• 194-IB
• 194M
• 194S
यांत येणाऱ्यांसाठी आजच अंतिम दिवस आहे.
तसंच सेक्शन 92E अंतर्गत ज्यांना रिपोर्ट भरायचा आहे त्यांच्यासाठीही ही शेवटची तारीख आहे.
एक दिवसाचा उशीर… आणि दंडाचा फटका बसू शकतो!
५) CNG-PNG आणि जेट इंधनाचे दर बदल शक्य
जसं तेल कंपन्या LPG चे नवीन दर जाहीर करतात तसंच दर महिन्याला CNG, PNG आणि जेट इंधनाचा आढावा घेतला जातो.
नोव्हेंबरमध्ये बदल झाले होतेच… आता डिसेंबरमध्येही दरात वाढ-घट होण्याची दाट शक्यता आहे.
सार्वजनिक वाहतूक, ऑटो, कॅब, उड्डाणे सगळ्यांवर याचा परिणाम नक्कीच जाणवू शकतो.
सामान्य माणसाचा संसार हा या छोट्या-छोट्या दरवाढी-दारकपातीवरच चालतो. LPG पासून पेन्शन, टॅक्सपासून CNG पर्यंत… हे बदल आपल्या खिशावर परिणाम करणारच.
१ डिसेंबरच्या सुरुवातीलाच या पैकी कोणत्या नियमामुळे दिलासा मिळणार आणि कोणता नियम ‘झटका’ देणार… हे पुढील काहीच तासांत समजेल.