Gold Rate Today | भारतात सोनं हे फक्त दागिने नसून घराचं सुरक्षित भविष्य मानलं जातं. अशा वेळी दररोज बदलणारे सोन्याचे भाव पाहून सामान्य माणूस, शेतकरी, नोकरी करणारे सगळेच जरा चिंतेत पडतात. आज 7 डिसेंबरच्या सकाळी पुन्हा एकदा बाजारात हलचल दिसली आणि सोन्याच्या भावात मोठा उडाफेड पाहायला मिळाला. आज देशभरात 24 कॅरेट, 22 कॅरेट आणि 18 कॅरेट सोन्याचे दर वाढलेत, तर चांदीच्या भावानेही उसळी घेतली आहे.
आज 7 डिसेंबर रोजी देशात 24 कॅरेट सोन्याच्या प्रति ग्रॅमचा दर 13,015 रुपये, 22 कॅरेट सोन्याचा 11,930 रुपये आणि 18 कॅरेटचा 9,761 रुपये इतका पोहोचला आहे. म्हणजेच ज्यांनी लग्नसराईसाठी सोनं घेण्याचा विचार केला आहे, त्यांनी आजचा हा बदल नीट लक्षात ठेवायलाच हवा.
देशात 22 कॅरेट सोन्याच्या प्रति 10 ग्रॅमचा दर 1,19,300 रुपये, 24 कॅरेटचा 1,30,150 रुपये आणि 18 कॅरेटचा 97,610 रुपये इतका ठरला आहे. त्यातही मुंबई, पुणे, केरळ, कोलकाता यांसारख्या शहरात हेच दर कायम आहेत, पण दिल्ली, लखनौ, जयपूर आणि चंदीगडमध्ये आज किंचित जास्त वाढ दिसून आली आहे. दिल्लीसारख्या मोठ्या बाजारात आज 22 कॅरेटची 10 ग्रॅमची किंमत 1,19,450 रुपये झाली आहे.
नाशिक, सुरत अशा शहरात दरामध्ये फारसा फरक नाही, मात्र लहानसा बदलही खरेदीदारांच्या खिशावर मोठा परिणाम करतो हे आपण जाणतोच. त्यामुळे घरात लग्न, मुंज किंवा शुभकार्य असेल तर सोन्याच्या या सतत बदलणाऱ्या भावाकडे रोज लक्ष ठेवणं आता भागच पडलं आहे.
चांदीबाबत बोलायचं झालं तर आज प्रति ग्रॅम 190 रुपये आणि प्रति किलो 1,90,000 रुपये असा दर आहे, म्हणजे कालच्या तुलनेत चांदीतही वाढ दिसून आली आहे. हवामान बदल, जागतिक बाजारातील हालचाल, डॉलरच्या किमती… अशा अनेक कारणांमुळे सोनं-चांदीचे भाव वरखाली होत असतात.
दररोजच्या या बदलांमुळे सामान्य माणूस गोंधळतो, पण सोनं घेणं थांबवणं अशक्यच, कारण भारतीय माणसाच्या संस्कृतीत सोन्याला फक्त दागिना नव्हे तर सुरक्षित गुंतवणूक मानलं जातं. आजही शेतकरी, नोकरदार, गृहिणी सगळ्यांच्याच नजरा सोनेदरांकडे खिळून असतात. बाजार कितीही हलला, तरी सोन्याची चमक मात्र कधीही कमी होत नाही.
(टीप : वरील दरांमध्ये जीएसटी, टीसीएस किंवा इतर करांचा समावेश नाही. अचूक दरांसाठी स्थानिक ज्वेलर्सशी संपर्क साधावा.)