Aadhaar Card News : देशभरात आधार कार्ड किती महत्वाचं झालं आहे हे वेगळं सांगायची गरज नाही. बँक पासून गॅसपर्यंत, शाळेच्या प्रवेशापासून शेतकऱ्यांच्या योजनेपर्यंत सगळीकडे आधार क्रमांक लागणारच. पण आता याच आधारवर मोठं वादळ उठलं असून UIDAI ने २ कोटींहून अधिक आधार नंबर रद्द केल्याची बातमी बाहेर आली आहे. गावाकडे, चौकात आणि लोकल बसमध्येही आज सगळ्यांची एकच चर्चा अरे आपला आधार चालू आहे ना? कारण ज्या पद्धतीने क्रमांक रद्द झालेत, त्यात काही जणांचे आधार चुकीनेही निघाले असतील अशी भीती लोकांमध्ये पसरली आहे. Aadhaar Card News
माहितीनुसार UIDAI ने देशभरात एक मोठं स्वछता अभियान चालवलं. यात मृत व्यक्तींचे आधार काढून टाकले गेले, तसेच ज्यांचा वापर फसवणूक, स्कॅम किंवा संशयित व्यवहारात होत होता असे आधारही बंद केले गेले. सरकारचा उद्देश चांगला फसवणूक थांबवणं, गडबड होणाऱ्या आधारांचा वापर थांबवणं. पण हे करताना काही निरपराध लोकांचाही आधार चुकून रद्द झाला असेल का? हा प्रश्न लोकांच्या मनात ठाण मांडून बसलाय. कारण गावोगावी कुणी म्हणतंय माझा OTP येत नाहीये तर कुणी म्हणतंय वेबसाईट उघडत नाहीये, काय झालं?
UIDAI चं म्हणणं की आधार रद्द कसे झाले, कोणत्या कारणांनी झाले याची संपूर्ण प्रक्रिया नीट तपासलेली आहे. पण तरीही जरा जरी शंका वाटत असेल, काही गडबड झाली असेल का? तर आधारची स्थिती लगेच तपासायला हवी. आज एका घरात तीन-चार आधार असतात आणि सगळ्यांचं जोडलेलं असतं बँक, सिमकार्ड, योजनेचा पैसा, शिष्यवृत्ती… म्हणूनच ही बातमी प्रत्येक घरात हलकासा ताण निर्माण करत आहे.
आपला आधार रद्द झाला आहे का हे तपासायचं असेल तर यासाठी दोनच सोपे मार्ग UIDAI ची वेबसाइट आणि माय आधार अॅप. लोकांसाठी प्रक्रिया फार कठीण नाही, पण गावाकडच्या अनेकांना हे सगळं परक्या भाषेसारखं वाटतं. त्यामुळे आज गावातील सायबर कॅफे, सेवा केंद्रांमध्ये विचारणा वाढली आहे. “भाऊ, माझा आधार चालू का ते बघशील का?” असे प्रश्न रांगेतूनच ऐकू येतात.
वेबसाईटला गेल्यावर ‘Check Aadhaar Status’ वर क्लिक करायचं, त्यानंतर आधार नंबर टाकायचा, आणि नंतर नोंदणीकृत मोबाईलवर आलेला OTP सबमिट करायचा. जर OTP टाकल्यानंतर खाते उघडलं नाही, किंवा स्थिती दाखवत नसेल तर याचा अर्थ आधार रद्द होण्याची शक्यता आहे. असाच प्रक्रियेचा मार्ग माय आधार अॅपमध्येही आहे.
लोक म्हणतात की, सरकारने योग्य केलं, फसवणूक थांबली पाहिजे, पण आपल्याच घरचा नंबर चुकून बंद झाला तर? हीच भीती आज दिसते आहे. कारण आधार म्हणजे फक्त प्लास्टिकचा कार्ड नाही, तर प्रत्येक कुटुंबाची ओळख आणि त्यांच्या सर्व सरकारी योजनांचा पाया आहे.
यासोबत UIDAI ने आधार अपडेट किंवा नवीन आधार बनवताना कोणते डॉक्युमेंट लागतील याची नवी यादीही काढली आहे. आधीही ही लिस्ट होती, पण आता सरकारने तिला अधिक स्पष्ट केले आहे. त्यामुळे पुढच्या दिवसांत आधार अपडेट करण्यासाठी गर्दी वाढण्याची शक्यता आहे.
आजच्या या मोठ्या हालचालीमुळे देशभरात चर्चेला उधाण आलंय, आणि लोक आपल्या आधारची स्थिती रातोरात तपासत आहेत. कारण एक नंबर रद्द झाला तरी जीवनातील अनेक गोष्टी एकदम थांबण्याची भीती लोकांना खरी वाटते.
हे पण वाचा | घरबसल्या रेशन कार्ड बनवता येणार! आता सरकारी कार्यालयात फेर्‍या मारायची गरज नाही; जाणून घ्या संपूर्ण प्रक्रिया