Cyclone alert : दक्षिणेकडच्या किनाऱ्यावर आज दिवसभर एक वेगळंच वातावरण होतं भाऊ आकाश काळं-गडद, समुद्र चिडलेला, वार्याचा आवाज कानात घुसणारा. आणि याच दरम्यान हवामान खात्याने दिलेली नवी अपडेट लोकांच्या काळजाला धडकी भरवणारी आहे. कारण दितवा नावाचं चक्रीवादळ आता अक्षरशः किनाऱ्यावर तुटून पडण्याच्या तयारीत आहे. काही वेळापूर्वीपर्यंत उपसागरात गोल फिरत असलेलं हे चक्रीवादळ आता सरळ तामिळनाडू–पुद्दुचेरी किनाऱ्याकडे वेगाने धावत आहे. Cyclone alert
नागरिकांनी सांगितलं की आज सकाळपासून हवेतच एक वेगळा ताण जाणवत होता. पक्षी खाली उडताना दिसत होते, वार्याच्या दिशेत अचानक बदल होत होते… आणि समुद्राकडून येणाऱ्या वाऱ्यात मीठाचा तीव्र वास. ही सगळी चिन्हं सांगत होती की काहीतरी मोठं घडणार आहे. आणि दुपारी हवामान खात्याकडून रेड अलर्ट जाहीर होताच परिस्थितीचं गांभीर्य अजून वाढलं.
चेन्नईसारख्या मोठ्या शहरात तर अक्षरशः जनजीवन ठप्प झालंय. रस्त्यावर गुडघाभर पाणी, झाडं कोसळलेली, आणि त्यातच विमानतळावर ४७ उड्डाणे रद्द… एवढं मोठं शहर एका वादळासमोर किती असहाय्य होतं याचं दृश्यच वेगळं. प्रवाशांचे चेहरे काळजीने भरलेले, विमानतळावरची धावपळ, आणि बाहेर सतत कोसळणारा पाऊस संपूर्ण शहरात एकच अनिश्चिततेची भावना.
हवामान खात्याचं स्पष्ट मत आहे की पुढच्या काही तासांमध्ये परिस्थिती अजून गंभीर होऊ शकते. कारण ज्या ज्या जिल्ह्यांच्या नावांसमोर रेड अलर्ट लावला आहेकड्डालोर, नागापट्टिनम, मयिलादुथुराई, विल्लुपुरम, चेंगलपट्टू, चेन्नई, कांचीपुरम, तिरुवल्लूर, तंजावर, रानीपेट, पुद्दुचेरी या सर्व ठिकाणी अतिवृष्टी, जोरदार वारे आणि उंच समुद्री लाटा येणार हे निश्चित मानलं जातंय.
प्रशासनाचे अधिकारी फिरताना दिसत आहेत कुणीही समुद्रकिनाऱ्याजवळ जाऊ नका मच्छिमारांनी होडी अजिबात घेऊ नये घरातच राहा, अनावश्यक बाहेर पडू नका अशी सतत घोषणाबाजी होत आहे. सगळ्यांच्या मनात एकच प्रश्न हे वादळ किती मोठं असेल? किती नुकसान करेल? आणि कधी संपेल?
जरी हवामान खात्याने सांगितलं आहे की दितवा चक्रीवादळाचा वेग थोडा कमी झालाय, तरी त्याचा राग अजूनही शांत झालेला नाही. वादळ कमी होणं म्हणजे धोका संपला असा अर्थ अजिबात नाही असं स्पष्ट सांगण्यात आलंय. पुढचे ६–८ तास अत्यंत महत्त्वाचे ठरणार आहेत.
किनाऱ्यावर राहत असलेले लोकांनी तर दारातच पाण्याचे डबके बघायला सुरुवात केलीये. काहींनी घराची खिडकी-दारे बंद केली आहेत, काहीजण आपली जनावरे सुरक्षित जागी नेत आहेत. कुणी पोरांना जवळ बसवून शांत करण्याचा प्रयत्न करता हीच ती खरी चक्रीवादळापूर्वीची भिती, जी गावातल्या प्रत्येक घरात दिसून येते. दितवा चक्रीवादळ जरी कागदावर कमजोर झालं असं म्हटलं जात असलं, तरी प्रत्यक्षात त्याचा परिणाम अजूनही प्रचंड आहे. समुद्र, वारा, पावसाची तीव्रता कधी वाढेल सांगता येत नाही. आणि म्हणूनच हे काही तास किनाऱ्यावरील भागांसाठी फार निर्णायक आहेत.
(Disclaimer: वरील दिलेली माहिती ही हवामान खात्याच्या अपडेट नुसार आणि प्रसार माध्यमांच्या आधारे आहे याबाबत आम्ही कुठल्याही दावा करत नाही.)