December New Rules | नोव्हेंबरचा शेवटचा आठवडा सुरू आहे आणि येत्या 1 डिसेंबरपासून अनेक आर्थिक नियमांमध्ये बदल होणार आहेत. हे बदल तुमच्या खिशावर थेट परिणाम करणारे आहेत. घरगुती गॅस सिलेंडरपासून पेन्शन, कर तसेच सीएनजी-पीएनजीच्या दरांपर्यंत बरेच काही बदलू शकतं. त्यामुळे आर्थिक नियोजन करत असाल तर ही माहिती अगदी लक्षपूर्वक वाचणं गरजेचं आहे.
1) LPG Gas Cylinder Rate – एलपीजी गॅस सिलेंडरचे दर बदलणार
दर महिन्याच्या पहिल्या तारखेला तेल कंपन्या गॅस सिलेंडरचे नवे दर जाहीर करतात.
1 डिसेंबरलाही व्यावसायिक आणि घरगुती गॅस सिलेंडरचे नवे दर लागू होतील.
1 नोव्हेंबरला 19 किलोच्या व्यावसायिक सिलेंडरमध्ये ₹6.50 ची कपात करण्यात आली होती.
मात्र घरगुती गॅसच्या दरात नोव्हेंबरमध्ये बदल झाला नव्हता.
आता 1 डिसेंबरला घरगुती सिलेंडर स्वस्त होतो का? की पुन्हा महाग? याकडे सर्वसामान्य ग्राहकांचे डोळे लागले आहेत.
2) पेन्शन योजना – UPS किंवा NPS निवडण्याची शेवटची संधी
सरकारी कर्मचाऱ्यांसाठी महत्त्वाची घोषणा!
यूनिफाईड पेन्शन योजना (UPS) किंवा नॅशनल पेन्शन सिस्टम (NPS) यापैकी एक पर्याय निवडण्याची शेवटची मुदत 30 नोव्हेंबर आहे.
आधी ही तारीख 30 सप्टेंबर होती, ती वाढवून 30 नोव्हेंबर करण्यात आली.
1 डिसेंबरपासून हा पर्याय निवडणे कठीण होऊ शकतं.
ज्यांनी पर्याय निवडायचा प्रलंबित ठेवला आहे त्यांनी उशीर न करता निर्णय घ्यावा.
3) लाईफ सर्टिफिकेट जमा करणे आवश्यक – पेन्शन थांबू शकते
पेन्शनधारक ज्येष्ठ नागरिकांसाठी अतिशय महत्वाचा नियम.
30 नोव्हेंबरपूर्वी लाईफ सर्टिफिकेट जमा करणे बंधनकारक आहे.
जर सर्टिफिकेट जमा झाले नाही तर पेन्शन तात्पुरती थांबू शकते.
बँक, उमंग ॲप, आधार आधारित फेस-ऑथेंटिकेशन अशा अनेक माध्यमांतून हे सर्टिफिकेट सहज जमा करता येते.
4) TDS आणि करासंदर्भातील महत्त्वाचे बदल
ऑक्टोबर महिन्यात टीडीएसमध्ये बदल झाल्यानंतर आता काही खास सेक्शननुसार फॉर्म/स्टेटमेंट जमा करण्याची शेवटची तारीख 30 नोव्हेंबर आहे.
ज्या करदात्यांना खालील सेक्शन्सनुसार रिपोर्ट फाईल करायचा आहे त्यांनी ही तारीख चुकवू नये:
सेक्शन 194-IA
194-IB
194M
194S
तसेच,
सेक्शन 92E नुसार रिपोर्ट फाईल करणाऱ्यांसाठीही 30 नोव्हेंबर शेवटची तारीख आहे.
5) CNG-PNG आणि Jet Fuel (ATF) चे नवे दर
तेल कंपन्या दर महिन्याला सीएनजी, पीएनजी आणि एटीएफ (जेट फ्युएल) चे दर जाहीर करतात.
1 डिसेंबरलाही नवे दर लागू होणार आहेत.
CNG आणि PNG महाग होतात की स्वस्त, हे 1 तारखेलाच स्पष्ट होणार.
एटीएफचे दर देशांतर्गत आणि आंतरराष्ट्रीय स्तरावर वेगवेगळे असतात, त्यामुळे विमान प्रवासाच्या किमतीवरही परिणाम होऊ शकतो.
1 डिसेंबर हा आर्थिकदृष्ट्या अत्यंत महत्त्वाचा दिवस ठरणार आहे.
घरगुती गॅस, कर, पेन्शन, प्रवास, इंधन – सर्व गोष्टीवर याचा थेट परिणाम होणार असल्याने आधीच तयारी ठेवणे गरजेचे आहे. महागाईच्या काळात छोटासा बदलही खिशावर मोठा भार टाकू शकतो… आणि कधी कधी छोटासा दिलासाही देऊ शकतो.