Farmer News Update | राज्यातील शेतकरी अक्षरशः संकटात सापडला आहे. सलग पावसामुळे अनेक शेतकऱ्यांची पिके वाहून गेली, तर काहींची पिके पूर्णपणे निकामी झाली. हातात काहीच उरलं नाही, आणि बँकांचे वाढते हप्ता अशातच शेतकऱ्यांसाठी सर्वात आनंदाची बातमी समोर आली आहे. राज्य सरकारने एक मोठा निर्णय घेतला असून लाखो शेतकऱ्यांना यामुळे जबरदस्त दिलासा मिळणार आहे.
शेतकऱ्यांसाठी सरकारचा मोठा निर्णय
पूरस्थितीच्या पार्श्वभूमीवर राज्य सरकारने शेतकऱ्यांच्या कर्जवसुलीला संपूर्ण एक वर्षांची स्थगिती जाहीर केली आहे. म्हणजेच यंदा शेतकऱ्यांना कर्ज भरावे लागणार नाही, बँकांना देखील तशी स्पष्ट सूचना देण्यात आली आहे. एवढंच नाही, तर हा निर्णय तात्काळ लागू झाला असून अनेक जिल्हा मध्यवर्ती बँकांना नोटिफिकेशनही पोहोचले आहे.
यामुळे हतबल झालेल्या शेतकऱ्यांना मोठा श्वास मिळाला आहे. पिके खराब झाल्यानंतर होणारा आर्थिक ताण कमी होऊन पुढील हंगामाची तयारी करण्यास मदत मिळणार आहे.
जिल्हा मध्यवर्ती बँकांना आदेश
आगामी स्थानिक स्वराज्य निवडणुकांच्या पार्श्वभूमीवर सरकारने हा धडाकेबाज निर्णय घेतल्याची चर्चा आहे. पण त्याचा थेट फायदा मात्र शेतकऱ्यांनाच होणार आहे. सरकारने सर्व जिल्हा मध्यवर्ती बँकांना कर्जवसुली थांबवण्याचे आदेश दिले आहेत. त्यामुळे शेतकऱ्यांना कर्जफेडीचा हप्ता आता येणाऱ्या वर्षीच भरावा लागेल.
30 जून 2026 पर्यंत कर्जमाफी सातबारा कोरा
काही दिवसांपूर्वी प्रहार संघटनेचे अध्यक्ष बच्चू कडू यांच्या नेतृत्वाखाली नागपूरमध्ये कर्जमाफीसाठी भव्य आंदोलन झाले होते. या आंदोलनानंतर सरकारने महत्त्वाचा निर्णय घेत 30 जून 2026 ही कर्जमाफीची डेडलाईन निश्चित केली आहे. याचा अर्थ 30 जून 2026 पर्यंत राज्यातील शेतकऱ्यांचा सातबारा पूर्णपणे कोरा केला जाणार आहे.
या आश्वासनानंतर बच्चू कडू यांनी आंदोलन स्थगित केले. राज्यभरातील शेतकरी मोठ्या संख्येने या आंदोलनात सहभागी झाले होते आणि आता या निर्णयामुळे त्यांच्या चेहऱ्यावरचा आनंद अधिकच वाढला आहे.
शेतकऱ्यांमध्ये आनंदाची लहर
सलग संकटांनी त्रस्त झालेले शेतकरी अखेर हसले आहेत. कर्जवसुली थांबणे आणि 2026 पर्यंत सातबारा कोरा करण्याचं आश्वासन हे दोन्ही निर्णय शेतकऱ्यांच्या आयुष्यात मोठा बदल घडवणारे आहेत. हाती काहीच नसताना डोक्यावरचं कर्ज कमी होणार असल्याने शेतकरी आता पुढील हंगामाच्या तयारीकडे आत्मविश्वासाने पाहत आहेत.