Government Scheme Latest Update | सरकारने महिलांसाठी अनेक योजना राबवल्या आहेत. विशेषत: स्वयंपाकघरातील खर्च वाढत असताना महिलांना दिलासा मिळावा, यासाठी सध्या केंद्र आणि राज्य सरकारं विविध निर्णय घेताना दिसत आहेत. यामध्ये आता आसाम सरकारने एक मोठा आणि सर्वसामान्यांच्या जीवनाला थेट स्पर्श करणारा निर्णय घेतलाय. गॅस सिलिंडरच्या वाढत्या किमतींनी त्रस्त झालेल्या गरीब आणि मध्यमवर्गीय कुटुंबांसाठी ही बातमी म्हणजे एक मोठा दिलासा आहे.
महिलांना आधीच पीएम उज्जवला योजनेतून सिलिंडरवर सब्सिडी दिली जाते. मात्र बाजारात सिलिंडरच्या किमती रोज वाढत असल्याने घराचा खर्च सांभाळणं अनेकांसाठी अवघड होत होतं. त्यातच आता आसाम सरकारने जाहीर केलं आहे की, राज्यातील नागरिकांना फक्त ३०० रुपयात एलपीजी गॅस सिलिंडर मिळणार आहे.
हा निर्णय जाहीर करताना मुख्यमंत्री हिमंत बिस्वा सरमा म्हणाले की, महागाईच्या काळात गरिबांना दिलासा देण्याची जबाबदारी सरकारची असते आणि म्हणूनच हा ऐतिहासिक निर्णय घेतला आहे.
किती सब्सिडी मिळणार?
सरकारच्या निवेदनानुसार, ओरुनोदोई स्कीम आणि पीएम उज्जवला योजनेअंतर्गत जवळपास २५० रुपयांची सब्सिडी दिली जाणार आहे. यामुळे नागरिकांना थेट दिलासा मिळेल आणि सिलिंडरची प्रत्यक्ष किंमत ३०० रुपयांवर येईल.
कोणाला मिळणार लाभ?
ओरुनोदोई योजनेचे लाभार्थी आणि पीएम उज्जवला योजनेतील महिलांच्या खात्यात थेट सब्सिडीचा पैसा जमा केला जाईल. गॅस बुकिंग करताना महिलांच्या खात्यात पैसे आधीच येणार असल्याने त्यांना आर्थिक ताण जाणवणार नाही, अशी माहिती अधिकाऱ्यांनी दिली आहे.
महिलांना होणार फायदा
आर्थिकदृष्ट्या कमजोर कुटुंबातील महिलांना महिन्याचा स्वयंपाक खर्च सावरणं कठीण झालं होतं. आता सब्सिडीमुळे सिलिंडर स्वस्त झाल्याने घरखर्चात थोडा तरी श्वास घेता येणार आहे. महागाईमुळे वाढलेल्या ताणातून मध्यमवर्गीय महिलांनाही मोठा आराम मिळणार आहे.
गेल्या अनेक महिन्यांपासून एलपीजीचे दर स्थिर राहत नव्हते. त्यामुळे स्वयंपाकघर चालवताना प्रत्येक घराला खर्चाचा हिशोब लावावा लागत होता. पण या नव्या निर्णयामुळे लाखो कुटुंबांना थेट आर्थिक फायदा होणार आहे. सरकार लवकरच संबंधित विभाग आणि डिस्ट्रीब्युटर्सना याबाबतचे आदेश जारी करणार आहे.
राज्यातील महिलांसाठी हा निर्णय म्हणजे फक्त आर्थिक नाही तर मानसिक दिलासादेखील आहे. महागाईच्या काळात सरकारकडून मिळालेली ही सब्सिडी त्यांच्या दैनंदिन आयुष्याला थोडा प्रकाश देणारी ठरणार आहे.
Disclaimer |
या बातमीतील माहिती ही सरकारी निवेदनांवर आणि उपलब्ध अहवालांवर आधारित आहे. योजनांचे नियम, लाभार्थ्यांची पात्रता आणि सब्सिडीची रक्कम राज्य सरकार व संबंधित विभाग वेळोवेळी बदलू शकतात. आपल्या भागातील अद्ययावत माहिती, पात्रता आणि प्रक्रियेची खात्री करण्यासाठी अधिकृत सरकारी वेबसाईट किंवा स्थानिक प्रशासनाशी संपर्क करावा.