Government Scheme Update | कुटुंबाचे वार्षिक उत्पन्न २.५ लाखांपेक्षा कमी असलेल्या गरीब आणि गरजू महिलांसाठी राज्य सरकारने सुरू केलेली लाडकी बहीण योजना कित्येक घरांसाठी आधाराची दोरी ठरली आहे. दर महिन्याला मिळणारे १५०० रुपये हे अनेक महिलांसाठी मोठं बळ आहे. घरखर्च, मुलांची गरज, औषधोपचार सगळ्या गोष्टींमध्ये ही मदत उपयोगी पडत आहे.
नोव्हेंबरचा हप्ता कधी येणार?
नोव्हेंबर महिना संपायला अवघे काही दिवस उरले आहेत. पण स्थानिक स्वराज्य संस्थांच्या निवडणुका सुरू असल्यामुळे राज्यात अचारसंहिता लागू आहे. आणि त्याचा थेट परिणाम लाडकी बहिणींच्या हप्त्यावर होताना दिसतोय. प्रशासनाकडून कोणतीही अधिकृत घोषणा नसल्याने महिलांच्या मनात चिंता वाढली आहे.
याच पार्श्वभूमीवर एक मोठी चर्चा रंगतेय नोव्हेंबर व डिसेंबरचे पैसे एकत्र देण्याची शक्यता!
म्हणजेच डिसेंबरमध्ये थेट ३,००० रुपये मिळू शकतात, असा अंदाज व्यक्त केला जातोय. ही माहिती अद्याप अंदाजावर आधारित आहे, पण महिलांच्या मनात या चर्चेने आशेचा किरण पसरवला आहे. सध्या तरी शासन स्तरावरून अधिकृत जाहिरात आलेली नाही.
केवायसीची मोठी घाई मुदत वाढवली
योजनेत केवायसी अनिवार्य केल्याने गावागावात महिलांची धावपळ सुरू आहे. अनेक लाभार्थ्यांनी अद्याप केवायसी पूर्ण केलेली नसल्याने सरकारने मोठा दिलासा दिला आहे.
केवायसीची अंतिम मुदत १८ नोव्हेंबरवरून थेट ३१ डिसेंबर २०२५ पर्यंत वाढवण्यात आली आहे. हा निर्णय अनेक महिलांसाठी दिलासा देणारा आहे. पण सरकारने स्पष्ट सूचनाही दिली आहे ३१ डिसेंबरनंतर ज्यांची केवायसी पूर्ण नसेल, त्यांचा पुढील हप्ता थांबू शकतो. म्हणजेच, हप्ता नियमित मिळवायचा असेल तर केवायसी पूर्ण करणे अत्यावश्यक आहे.
लाडकी बहिण योजना ही केवळ आर्थिक मदत नाही; तर राज्यातील लाखो महिलांच्या आयुष्याला दिलेला हात आहे. नोव्हेंबरचा पैसा उशिरा येणार असला तरी डिसेंबरमध्ये डबल हप्ता मिळण्याची शक्यता महिलांच्या चेहऱ्यावर पुन्हा आशेचे हास्य आणते. सरकारची मदत, महिलांची जिद्द आणि घराचा संसार ही तिन्ही गोष्ट एकमेकांची साथ देत राहतील, हेच खरं!