Oil Price Prediction 2026 | देशात मागचे कित्येक महिने पेट्रोल आणि डिझेलचे दर जैसे थेच आहेत. पेट्रोल १०६ रुपये आणि डिझेल ९२ रुपयांवर ठाण मांडून बसल्यामुळे सर्वसामान्य वाहनचालक, शेतकरी, छोटे व्यवसायिक सगळ्यांच्याच खिशाला भोक पडत आहे. दर कमी कधी होतील, या प्रश्नाचं उत्तर लोक दररोज शोधतायत. अशातच एक दिलासा देणारा मोठा अंदाज समोर आला आहे आणि तोही जगप्रसिद्ध आर्थिक संस्था जेपी मॉर्गन कडून.
मिळालेल्या माहितीनुसार, येत्या काही दिवसांत जागतिक बाजारात कच्च्या तेलाच्या किंमती या अक्षरशः पाण्याच्या बाटलीपेक्षाही कमी होऊ शकतात. जागतिक स्तरावर मागणीपेक्षा पुरवठा जास्त असल्याने ब्रेंट क्रूड ऑइलचे दर कोसळण्याची शक्यता व्यक्त केली जात आहे. जेपी मॉर्गनने स्पष्ट भाकीत केले आहे की २०२७ पर्यंत कच्च्या तेलाची किंमत थेट ३० डॉलर प्रति बॅरल पर्यंत खाली येऊ शकते.
भारतीय रुपयानुसार हे दर जवळजवळ ९५ रुपये प्रति बॅरल होतील. एका बॅरलमध्ये १५९ लिटर कच्चे तेल असल्याने एक बॅरल फक्त २८५० रुपये होईल. म्हणजेच एका लिटर कच्च्या तेलाची किंमत फक्त १७.९० रुपये! हा दर एका २० रुपयांच्या पाण्याच्या बाटलीपेक्षाही कमी असल्याने संपूर्ण जगाचं लक्ष या अंदाजाकडे वळलं आहे.
भारत हा कच्च्या तेलावर अवलंबून असलेला देश. आपली सुमारे ८६% कच्च्या तेलाची गरज आपण आयात करून भागवतो. अशात कच्च्या तेलात अशी मोठी घसरण झाली, तर भारताचे आयात बिल कोसळेल, महागाई नियंत्रणात येईल आणि सर्वात महत्त्वाचे म्हणजे—पेट्रोल आणि डिझेलच्या किमतीत प्रचंड कपात होऊ शकते.
सध्या ब्रेंट क्रूड ऑइल ६२ डॉलर प्रति बॅरलवर आहे. त्यात जवळपास ५०% घट म्हणजे थेट नागरिकांच्या खिशाला दिलासा. पेट्रोल-डिझेलचे दर खाली आले, तर वाहतूक स्वस्त होईल, मालवाहतूक दर कमी होतील, शेतीपासून उद्योगधंद्यापर्यंत सगळीकडे थेट परिणाम जाणवेल.
कच्च्या तेलाच्या किंमती घसरल्या की मध्यमवर्गीयांचं बजेटही हलकं होतं. आजवर वाढत्या महागाईत जुळवाजुळव करणाऱ्या सर्वसामान्यांसाठी हा अंदाज म्हणजे जणू आशेचा किरणच. आता फक्त एवढंच बघायचं जेपी मॉर्गनचा अंदाज खरा ठरतो का?
कारण हा अंदाज जर वास्तवात उतरला, तर काही वर्षांत पेट्रोल-डिझेलचे दर पुन्हा एकदा सामान्य माणसाच्या आवाक्यात येऊ शकतात… आणि त्यापेक्षा मोठा दिलासा दुसरा कोणता?