PAN Card News : सध्या सगळ्याच घरात वर्षाअखेरीची धांदल सुरु आहे, कुठे शेतीचं काम, कुठे ऑफिसची गर्दी. पण या सगळ्या धकाधकीत एक छोटसं काम लोकांच्या लक्षातच राहत नाही आणि मग नंतर मोठी अडचण उभी राहते. ते म्हणजे आधार आणि पॅन लिंक करण्याचं. सरकारने यासाठी स्पष्ट अंतिम तारीख दिलीय 31 डिसेंबर 2025. आणि आश्चर्य म्हणजे अजूनही बऱ्याच लोकांनी हे काम पूर्ण केलेलंच नाही. गावातल्या चहाच्या टपरीवरसुद्धा लोक विचारताहेत, “आपलं लिंक झालंय का?” कारण न झाल्यास नव्या वर्षात त्रास होणार हे नक्की.PAN Card News
सरकारने आता ही प्रक्रिया अगदी सरळ करून दिलीय. घरच्या घरी, मोबाईलवरून तुम्ही आधार–पॅन लिंक करू शकता. पण काही छोट्या चुका लोक वारंवार करतात आणि मग प्रक्रिया अडकते. म्हणूनच आधी यामागचं महत्व समजून घ्या. जर तुम्ही 31 डिसेंबरपूर्वी लिंक केलं नाही, तर 1 जानेवारी 2026 पासून तुमचं पॅन कार्ड निष्क्रिय होणार आहे. पॅन निष्क्रिय झालं, म्हणजे आयटीआर फाईल करणं थांबेल, सॅलरी क्रेडिटमध्ये अडथळे येतील, बँक, म्युच्युअल फंड, SIP, शेअर मार्केट… अशा अनेक आर्थिक कामांचं चक्र जाम होईल. त्यामुळे उगाच शेवटच्या दिवशी घाईगडबड करण्यापेक्षा हे काम आत्ता आटोपून टाका.
अनेक लोकांचं नाव किंवा जन्मतारीख आधार आणि पॅनवर वेगवेगळी असते. मग OTP लागत नाही, सिस्टम एरर दाखवते. त्यामुळे प्रथम नाव आणि DOB दोन्ही कार्डांवर सारखी आहेत ना, हे पाहा. मोबाईल नंबर आधारशी लिंक असेल तर OTP लगेच येतो आणि प्रक्रिया 2 मिनिटांत पूर्ण होते. लिंक झाल्यावर एक स्क्रीनशॉट जतन करून ठेवलात, तर भविष्यात कोणत्याही अडचणीच्या वेळी पुरावा म्हणून उपयोगी पडतो.
आता प्रक्रिया खूप सोपी आहे आयकर विभागाच्या ई-फायलिंग पोर्टलवर जा, आधार–पॅन लिंकचा पर्याय निवडा, पॅन नंबर, आधार नंबर, नाव, जन्मतारीख भरून OTP टाका आणि झाले काम. शहरात असो वा छोट्या गावात, इंटरनेट असेल तर ही प्रक्रिया 5 मिनिटांत पूर्ण होते. त्यामुळे उगाच लोकांप्रमाणे नंतर करु, वेळ आहे असं म्हणू नका. सरकारने एकदा डेडलाईन दिली की त्यानंतर सूट मिळेल याची काहीही खात्री नाही.
लोक सांगताहेत की पुढच्या वर्षी बँक कामं, लोन प्रक्रिया, जमीन नोंदणीचे काही व्यवहार, सगळंच पॅनवर अवलंबून असू शकतं. त्यामुळे ही एक छोटीशी गोष्ट दुर्लक्षित करू नका. 31 डिसेंबर अगदी जवळ आलाय. दिवसभराच्या कामातून वेळ काढा, आणि आजच लिंक करा. नंतर त्रास टाळणे हाच शहाणपणाचा मार्ग आहे.
(Disclaimer: वरील दिलेली माहिती ही प्रसारमाध्यमांच्या आधारे आहे.)