PMAYG 2025 New Beneficiary List | भारत सरकारने प्रधानमंत्री आवास योजना-ग्रामीण (PMAY-G) ची 2025 ची अद्ययावत लाभार्थी यादी अधिकृतपणे जाहीर केली असून ग्रामीण भागातील कच्च्या घरात राहणाऱ्या लाखो कुटुंबांसाठी ही मोठी बातमी ठरली आहे. 2016 पासून ग्रामीण विकास मंत्रालयाच्या अंतर्गत सुरू असलेल्या या योजनेचा उद्देश एकच प्रत्येक वंचित कुटुंबाला पक्कं, सुरक्षित आणि सन्मानाचं घर. आधी इंदिरा आवास योजना म्हणून ओळखली जाणारी ही योजना आज करोडो गरीब कुटुंबांचं स्वप्न पूर्ण करत आहे.
सरकारने घर बांधण्यासाठी मैदानी भागात 1.2 लाख तर डोंगराळ भागात 1.3 लाख रुपयांची मदत देण्याची तरतूद केली आहे. पीआयबीच्या माहितीनुसार, योजनेच्या सुरुवातीपासून आजवर 3 कोटींहून अधिक कुटुंबांना घरे मंजूर झाली आहेत, आणि 2029 पर्यंत आणखी 2.95 कोटी घरे बांधण्याचं लक्ष्य सरकारने ठरवलं आहे.
PMAY-G 2025 मध्ये काय नवीन?
1️⃣ AwaasApp मोबाईलवरूनच घराच्या बांधकामाचा मागोवा
ग्रामीण भागातील लाभार्थ्यांसाठी सरकारने AwaasApp उपलब्ध करून दिलं आहे. या अँड्रॉइड ॲपवरून
घराच्या बांधकामाची टप्प्याटप्प्याने माहिती
जिओ-टॅगिंग सुविधा
तक्रार निवारणाची सोय
या सगळ्याच गोष्टी काही सेकंदांत पाहता येतात.
2️⃣ दुसरी यादी लवकरच
पहिल्या यादीनंतर एका महिन्यात दुसरी यादी जाहीर होणार आहे.
यात पहिल्या यादीनं वंचित राहिलेल्या कुटुंबांना पुन्हा संधी दिली जाईल. त्यामुळे अजून नाव आलं नसेल तरी काळजी करू नका.
3️⃣ राज्यवार घराघर सर्वेक्षण
सर्व जिल्ह्यांमध्ये अधिकारी थेट गावोगावी जाऊन सर्वेक्षण करत आहेत.
उद्देश –
पात्र कुटुंबांचा शोध
पारदर्शकता
गरजू, भूमिहीन, SC/ST, OBC, EWS वर्गातील कुटुंबांना प्राधान्य
कौन पात्र? PMAY-G साठी पात्रता
ग्रामीण भागात वास्तव्य असणे
स्वतःच्या नावावर पक्कं घर नसणे
SC/ST, OBC, अल्पसंख्याक, EWS किंवा भूमिहीन कुटुंब
SECC/BPL यादीत नाव असणे
अर्ज करण्यासाठी आवश्यक कागदपत्रे –
आधार कार्ड, बँक तपशील, BPL/SECC पुरावा – आणि सर्वात महत्त्वाचं म्हणजे ही प्रक्रिया पूर्णपणे विनामूल्य आहे.
PMAY-G 2025 मध्ये तुमचं नाव कसं तपासाल?
नोंदणी क्रमांक नसला तरीही ऑनलाइन तपासता येतं:
1. अधिकृत साइटला भेट द्या: pmayg.nic.in
2. Stakeholders विभाग निवडा
3. IAY/PMAYG Beneficiary निवडा
4. Advanced Search वर क्लिक करा
5. राज्य – जिल्हा – तालुका – गाव निवडा
6. कॅप्चा भरा आणि Submit करा
7. तुमच्या गावाची संपूर्ण लिस्ट तुमच्या स्क्रीनवर दिसेल – मंजुरी, पेमेंट स्टेटस, आणि सर्व माहितींसह.
ग्रामीण भागातील कुटुंबांसाठी दिलासा
डिजिटल गोल्डपासून ते UPI क्रेडिट लाइनपर्यंत अनेक बदल जरी सुरू असले, तरी PMAY-G सारख्या योजनांमुळे आजही सामान्य माणसाला सरकारच्या योजनांचा थेट फायदा मिळतोय. पावसाने झालेली भात शेतीची हानी असो, महागाईचा ताण असो घर हे प्रत्येक माणसाचं मोठं स्वप्न. आणि ते स्वप्न पूर्ण करण्यासाठी PMAY-G 2025 ही नवी यादी पुन्हा आशेचा किरण बनून आली आहे.
जे नाव आलंय त्यांचं स्वप्न आता प्रत्यक्ष आकाराला येणार.
ज्यांचं नाव आलं नाही, त्यांच्यासाठी अजून एक संधी दारात उभी आहे.