Cotton market price : शेतकरी बांधवांनो, गेल्या काही दिवसांपासून मोबाईलवर, व्हॉट्सअॅप स्टेटसवर, फेसबुक-रील्सवर एकच गोष्ट व्हायरल झाली “डिसेंबरमध्ये कापूस १० हजार ओलांडणार… जोरात भाव वाढणार!” या बातमीवर अनेकांनी विश्वास ठेवला, तर काहींनी “असं कसं शक्य?” असा प्रश्न विचारला. पण खरी वस्तुस्थिती काय आहे, शेतकऱ्यांच्या नजरेने आणि जमिनीवर दिसणाऱ्या परिस्थितीनुसार कापसाचे भाव डिसेंबरमध्ये नेमके कुठे थांबणार, हे आता स्पष्ट झालं आहे. Cotton market price
बाजारात सध्या कापसाचे भाव काय आहेत? तर हमीभाव ७७१० ते ८११० असताना महाराष्ट्रात कापूस ६८०० ते ७३०० रुपयांत विकला जातोय. म्हणजे हमीभावापेक्षा थेट १०००–१३०० रुपयांनी कमी भाव. आणि जितके भाव कमी, तितकी शेतकऱ्यांची चिंता वाढलेली. अनेक ठिकाणी तर शेतकरी ‘हमीभाव मिळतोय का?’ म्हणून सीसीआय केंद्रांच्या फेऱ्या मारताना दिसतात.
पण समस्या इथेच सुरू होते राज्यात सीसीआय केंद्रांची संख्या प्रचंड अपुरी. महाराष्ट्रात १६८ केंद्र, त्यापैकी १३४ सुरू. हजारो तालुके आणि लाखो शेतकरी असताना एवढी कमी केंद्रं… त्यामुळे खरेदीच कमी आणि बाजारभावावर त्याचा त्वरित परिणाम. व्यापारी या परिस्थितीचा फायदा घेतात आणि शेतकऱ्यांच्या कापसाला बाजारात उगाचच कमी भाव मिळतात. म्हणूनच अनेक शेतकरी आता सरकारकडे भावफरक अनुदानाची मागणी करतायत जे पूर्णपणे योग्य आहे.
यात अजून एक मोठा घाव म्हणजे केंद्र सरकारची कापूस आयातीवरील शुल्कमाफी
३१ डिसेंबरपर्यंत परदेशातून येणाऱ्या कापसावर एक पैसाही शुल्क नाही. म्हणजे बाहेरचा कापूस स्वस्तात भारतात येईल, आणि त्याचा थेट फटका लागेल देशातील शेतकऱ्यांना. आपलं उत्पादन कमी झालंय, पाऊस-वार्यांमुळे फटका बसलाय… तरीही कापसाचे भाव वाढायला तयार नाहीत. कारण बाजारात बाहेरचा कापूस भरून गेलाय. म्हणूनच वस्तुस्थिती अशी सांगते की… डिसेंबरमध्येही कापसाचा भाव हमीभाव ओलांडणार नाही.
भाव ६८०० ते ७३००-७४०० च्या रेंजमध्येच फिरणार.
ज्या व्हिडिओंमध्ये “१० हजार मिळणार” म्हणतायत, ते बाजाराच्या आकड्यांशी अजिबात जुळत नाही. उत्पादन कमी असतानाही भाव का वाढत नाहीत याचं एकमेव कारण आयात खुली ठेवलेली.
मात्र एक गोष्ट खरी सीसीआय केंद्राला कापूस दिल्यास ७५०० ते ७७०० पर्यंत दर मिळू शकतो. त्यामुळे शेतकऱ्यांना सध्याच्या परिस्थितीत हाच मार्ग जास्त फायदेशीर ठरेल. जेथे हमीभावाच्या आसपासचा भाव मिळतो, तेथे कापूस द्यावा हेच जास्त सुरक्षित. यात शंका नाही की कापूस बाजारपेठ मोठी आहे, जागतिक पातळीवर दर बदलतात, पण डिसेंबरचा अंदाज स्पष्ट आहे भाव स्थिर आणि हमीभावाखालीच राहतील.
आगामी दिवसांत जर काही सकारात्मक बदल झाले, काही धोरणांत फेरबदल झाला किंवा बाजारात मोठी उलथापालथ झाली, तर त्याची माहिती लगेच मिळेल. शेतकरी, माती आणि शेतीची खरी वस्तुस्थिती समजून घेऊन निर्णय घेण्यासाठी ही माहिती उपयोगी ठरेल.