Namo Shetkari Yojana: राज्यात गेली कित्येक दिवस शेतकरी मोबाईल हातात घेऊन ‘मेसेज आला का? असा शोध घेतायत. पीएम किसानचा 21 वा हप्ता 19 नोव्हेंबरला जमा झाला आणि त्या दिवसापासून शेतकऱ्यांच्या नजरा फक्त एकाच गोष्टीवर खिळल्या नमो शेतकरी महासन्मान निधी योजनेचा आठवा हप्ता कधी येणार? गावोगावी किराणा दुकानात, चहाच्या टपऱ्यांवर, शेतीवर जाणाऱ्या रस्त्यावर एकच चर्चा होती नमो कधी टाकणार पैसे? कारण राज्यात ही योजना पीएम किसानच्या धर्तीवर सुरू झाली आणि दोन्ही योजनांनी शेतकऱ्यांच्या वर्षभराच्या खर्चाला मोठा आधार दिला आहे. केंद्राकडून मिळणारे 6000 आणि राज्य सरकारकडून मिळणारे 6000 असे मिळून वर्षाला 12 हजार रुपये याची शेतकरी कुटुंबांना प्रचंड किंमत आहे. Namo Shetkari Yojana
पीएम किसानचा हप्ता जमा झाल्यानंतर साधारण दहा पंधरा दिवसांत नमोचा हप्ता मिळतो, ही गेल्या काही महिन्यांची पद्धतच झाली आहे. याच हिशोबाने सातवा हप्ता देखील पीएम किसानच्या 20 व्या हप्त्यानंतरच जमा झाला होता. त्यामुळे 19 नोव्हेंबरला पीएम किसानचा पैसा खात्यात येताच शेतकरी मनात हिशोब करू लागले अहो, मग डिसेंबरच्या पहिल्याच आठवड्यात नमोचा आठवा हप्ता येणार! काहीजण तर बँक-पासबुक घेऊनच फिरू लागले, तर काहीजण दर सकाळी आधार-लिंकेड अकाउंटचा बॅलन्स तपासत होते.
पण आठवा हप्ता अजूनही आलेला नसल्याने शेतकऱ्यांत थोडी बेचैनी दिसतेय. कारण पीकपेरणी, खतं, औषधं आणि घरखर्च या सगळ्यासाठी या योजनेचा पैसा मोठा आधार ठरतो. काही मीडिया रिपोर्टनी तर सांगितलं की स्थानिक स्वराज्य संस्थांच्या निवडणुकीमुळे लागू झालेली आचारसंहिता संपल्यावरच हप्ता दिला जाईल, त्यामुळे थोडासा उशीर होणं शक्य आहे. गावात तर यावरून दोन गटांमध्ये चर्चा रंगल्या एक म्हणतो, “निवडणुका झाल्या की पैसे येतील,” दुसरा म्हणतो, “नाही रं, डिसेंबरच्या आधीच येणार!”
सरकारी प्रक्रिया पाहिली तर स्पष्ट आहे राज्य सरकारला सगळ्यात आधी पीएम किसान पोर्टलवरून नमो पात्र लाभार्थ्यांची यादी मिळते. ती यादी आल्यानंतर निधी मंजुरीसाठी फाईल पुढे जाते, आणि त्यानंतर हप्ता वितरणासाठी शासन निर्णय (जीआर) काढला जातो. हा जीआर निघाल्यानंतर साधारण 10 ते 15 दिवसांत पैसा खात्यात जमा होतो ही नियमाची पद्धत. यंदाच्या वेळापत्रकानुसार, 19 नोव्हेंबरला पीएम किसानचा हप्ता आल्यामुळे नमो शेतकरीचा आठवा हप्ता डिसेंबरच्या पहिल्या आठवड्यात मिळण्याची शक्यता जोरदार आहे. आणि काही मीडिया रिपोर्ट्स तर सरळ सांगतायत
20 डिसेंबरच्या आत हा हप्ता पात्र शेतकऱ्यांच्या खात्यात नक्की जमा होईल. एकूणात, डिसेंबरच्या पहिल्या ते दुसऱ्या आठवड्यात राज्यभरातील लाखो शेतकऱ्यांच्या खात्यात नमोचा आठवा हप्ता जमा होईल अशीच परिस्थिती दिसतेय. आणि शेतकरीही आशेच्या नजरेने रोज मोबाईलकडे बघतायत आज येईल का? अशीच मनातल्या मनात प्रार्थना करत.